აღორძინების ეპოქიდან მოყოლებული, უკვე საუკუნეებია რაც ევროპის სკოლებში წარმართულ სიძველეებსა და ანტიკურობას ერთგვარად ცენზურანარევი, შელამაზებული სახით ასწავლიან. ეგვიპტის ჭაღარა პირამიდებსა და ათასწლეულთა სიბრძნეს ელადის თეთრი მარმარილოს ტაძრები ენაცვლებიან, ღმერთებისა და ხალხების მეგობრობა, ბუნების ძალებთან სიახლოვე და პოეტური უშუალობა…და მათ შემცვლელდ მოსული შავანაფორიანი ბერმონაზვნები და პირქუში შუასაუკუნეები. კონტრასტი იმდენად თვალშისაცემია, რომ საბრალო მოსწავლეს ვეღარასგზით გაუგია, როგორ შეიძლებოდა, ანტიკური უბრალოება და ადამიანურობა შუასაუკუნეების წყვდიადში მოქცეულიყო.

პერგამის მიტროპოლიტი იოანე ზიზიულასი აღმოსავლეთ საქრისტიანოში ერთ-ერთ ავტორიტეტულ ღვთისმეტყველად ითვლება. ,, იგი ჩვენი დროის ერთ-ერთი უნიკალური და ძლიერი ღვთისმეტყველია“, ასე ახასიათებდა მას გასული საუკუნის 80-იან წლებში დომინიკელი მამა კონგარი. ბოლო წლებში ეს მართლმადიდებელი მღვდელი მისი თამამი და არისტოკრატული მიდგომით,ანვითარებს ზუსტ და ღრმა გაგებას ბერძენი მამების ტრადიციისა,იმის შესახებ,რომ სწორი გაგება ეკლესიის სიცოცხლისა და არსებობისა ეფუძნება ევქარისტიის საიდუმლოს.

თანამედროვე ქართულ საზოგადოებაში სულ უფრო და უფრო ხშირია საუბრები „ლიბერალიზმის“, როგორც საზოგადოების ძირითადი და სასიცოცხლოდ მნიშვნელოვანი ფასეულობის შესახებ. სხვადასხვა ჯგუფები თუ კერძო პირები ცდილობენ საკუთარი ცოდნა და გამოცდილება უშურველად გაუზიარონ საზოგადოებას და ამით იხსნან სიბნელისა და უვიცობისაგან. ამ ღვაწლში ზოგიერთი, რომელიც არც ისე მდიდარია საკუთარი შეხედულებებით, მეტი დამაჯერებლობისთვის ცდილობს მოიშველიოს სხვა უფრო ავტორიტეტული წყაროები და შეხედულებები. ამის შედეგად ხშირად იყენებენ „ქრისტიანულ ლიბერალიზმს“ „ფსევდო-ლიბერალიზმის“ („ფსევდო“ აქ ქრისტიანულ ლიბერალიზმთან მისი მიმართების გამოსახატავად გამოიყენება) მტკიცებულებად და ამით ცდილობენ ლიბერალიზმისადმი ეჭვით განწყობილი საზოგადოების გულის მოგებას.

ერთხელ დიდ ინგლისელ ფიზიკოსს-ნიუტონს სახლში სტუმრები ჰყავდა მოწვაეული. ისინი მისი მეგობრები და იმავე უნივერსიტეტის პროფესორები იყვნენ, სადაც ნიუტონი მოღვაწეობდა. საუბარში ნიუტონმა ღმერთი ახსენა, როგორც ჩვენი სამყაროს შემქმნელი. ამაზე ერთ-ერთი მოსაუბრე შეეკამათა: „ რას ამბობთ ბატონო ნიუტონ, არანაირი შემქმნელი ჩვენს სამყაროს არ გააჩნია, ბუნებაში ყველაფერი თვითონ იქმნება და ვითარდება, ყოველგვარი ღვთიური გონების ჩარევის გარეშე!“

მიტროპოლიტმა ილარიონმა (ალფეევმა) მრევლის წევრი შარვლიანი ქალები დაიცვა
მოსკოვის საპატრიარქოს საგარეო საქმეთა ხელმძღვანელმა, მიტროპოლიტმა ილარიონმა (ალფეევმა) ეკლესიას მოუწოდა, მეტი შემწყნარებლობა გამოეჩინა მრევლის ჩაცმულობის მიმართ.